Miyalkunydja ŋulaŋuru bili makmakthurruna djämawu ga märryu ḏapthunmaraŋala.  Miyalktja yurru waŋa dharukthu marrparaŋdhu ga guyaŋinyara nhanŋu gana wäŋawu ga romgu. Miyalkkunydja rom mirithirri manymak djäkawu ga bulu djämawu miyalkku rom. Miyalkkunydja dhuwala ŋatha maḻŋ’maranhamirri ga bulu ŋayi ŋuli rumbal ḏäwalakuma wapmarama marrtji ŋuli ḏäwalakunharamirri ŋilimurrungu dhipuŋuru wäŋaŋuru. Miyalkthunydja ŋuli guŋga’yun ŋilimurrunha ŋuthanmarama bitjan yuṯa biṯpiṯ, gurrum’ ŋuli mulka and marŋgikuma ŋilimurrunha  romgu, milkarriwu ga wiripunydja walala marŋgi nhaltjan ŋilimurru yurru dhungur’yun wäŋa malanha ga wanhaŋuru ŋilimurru yurru dhuŋgur’yun gurtha.

Miyalknhanydja ŋilimurru yurru manapan balanyaralili djämalili, nhamunha’ miyalk ga ḏarramu yurru manapanmirri ga rrambaŋi djäma ga  djäka wäŋawu. Ga bäki ŋunhiyi gurruṯu raki ŋilimurrungu märr yurru birrka’yun nhä ŋayi rumaru’ wo mirriri  gurruṯu ŋuriki yolŋuwu märr yurru latju’kuma djäma rrambaŋi.