Warramiri ga Golumala bapurru’yu yukurra ḻakarama  ŋilimurruŋgu raki’, gurrkurr  monukŋura:

Manbuyŋa ga Rulyapayanydja bulal’ gapu wuthunmirri yukurra ga dhuwala gapu maṉḏanha yukurra dhä-manapan ŋilimurruŋgu wäŋa. Ŋunhiyi goyurr maṉḏa barrkuwatjthirri  ŋuli ŋoyŋura gapuŋura ga bulu yalala maṉḏa ŋuli manapanmirri. Ga ŋunhi gapuŋura yukurra ŋorra waŋarr malanha ŋilimurruŋgu,  makarr manikay,  ga rom malanha ga dhukarr ŋilimurruŋgu waŋarrwu malaŋuwu. Ga djäka ŋilimurru yurru dhiyaku malaŋuwu dhiyala wäŋaŋura.

Monukŋura märr dhaŋaŋdja ŋilimurruŋgu maḏayin’ ga waŋarr ŋorra yukurra. Beŋuru bili ŋayi yukurrana ŋorrana bewala birr’ ŋunha gapuŋura ga baḏak ŋilimurru  ŋuli miyaman manikaykurru ga buŋgulkurru giritjirri,  bili monukŋura gapuŋura ŋayi dhäwuny’tja ŋilimurruŋgu dhawatthurruna ŋurruŋunydja. Ga nhä malanha ŋilimurruŋgu  merrpal’ malanha ŋorra yukurra ŋunhi ŋilimurru ŋuli  märrama monukŋura walŋawu ŋilimurrungu.

Dhuwala ŋilimurruŋgu gapu monuktja ŋorra yukurra  yindi yäku dhäwarra’ŋu gapu,  mayaŋ’, runu’, guṉḏamirri wäŋa, baṯpa’ ,djaŋ’djaŋ, barala  ga raŋi.

Djäka ŋilimurru ŋuli mulka’yu romdhu ga märryu yuwalkthu dhiyaku wäŋawu. Ḏälwu dharukku ŋilimurru  djal märr ŋilimurru yurru waŋa dhiyaku wäŋawu märr yurru manymakkuma djäka dhiyaku wäŋawu ga manymak ŋayi yurru djingaryun.