Ga mulka’kuma ŋunhi ŋilimurrungu yalalamirriyu  nhamuny’ ŋilimurru yolŋu, ŋilimurru yurru marŋgikuma ŋilimurruŋgu djamarrkuḻi’nha. Ŋunhi malanha dhäwu’ ŋunhi ŋilimurruŋgu ŋaḻapḻmirriyu wekaŋala, ŋilimurruŋgu dhäruk, manikay, rom ga miny’tji malanha ŋilimurru yurru marŋgi wekama djamarrkuḻi’nha. Dhuwala ŋilimurruŋgu wäŋa ga gapu walŋa yukurra nhina dhiyaŋu romdhu. Mulka ŋayi yukurra dhaŋaŋ dhäwu’, mälkthu ga gurruṯuyu gali’yu, milkuma ŋilimurruŋgu wanhaka ŋilimurruŋgu  raki’ ŋorra yukurru dhiyalami wäŋaŋura. Ŋuthandja ŋilimurruŋgu ŋuli djamarrkuḻiny’tja  manapan walala ŋuli marŋgithirri, ŋäma, nhäma ga guŋga’yun, ga milkuma, waŋa, giritjirri, miny’tji-yarpuma ga ŋayarr’yun. Ŋilimurru bulal’yu romdhu, ŋapaki ga yolŋuyu  dhiyaŋu ŋuli guŋga’yun ŋilimurruŋgu goḻnha malanha. Ŋilimurruŋgu djäkami wäŋawu ŋuli djäka ŋilimurruŋgu ga bulu guŋga’yun ŋilimurrunha ga wäŋa ŋilimurruŋgu märr yurru ŋapaki’ walala marŋgi nhina romgu malaŋuwu ga nhaltjan walala yurru marŋgi wekama wiripunha yolŋunha. Djäma yurru rrambaŋi nhaltjan yukurra rom djingaryun ḻukuŋura wäŋaŋura.

Ŋunhi ŋilimurruŋgu ŋuli wäŋa räwakthirri mulkuruyu mulmuyu, wo wäyindhu wo dhukun’ ŋunhi ŋuli wirpuŋuru wäŋaŋuru wakwakthun ŋunhi walala ŋuli djambatjthu ga gakal’yu nhina Wäŋawu Djäkaminydja walala. Märr yurru ŋunhi yalalamirri walala ŋuli waŋanhami tourisim-gu wo minning-gu walala ŋuli rrambaŋina djäma ga guŋga’yunmirri bala ga lili nhaltjan ŋilimurru yurru djäka wäŋawu rrambaŋi.

Marŋgithirri ŋilimurru ŋuli ḏälyu romdhu ga ŋayaŋuyu, nhina ga bulal’yu romdhu mulkuru ga ŋilimurruŋgiyingala romdhu rrambaŋi djäma.