Waŋganydja ŋayi dhiyaku djäma ŋilimurru yurru galki djäma ŋaḻapaḻmirriwala ga waŋanharamirri, Yolŋu walala ga gurruṯumirri ga dhuwala community rrambaŋi djäma dhiyaku wäŋawu djäka rrambaŋi. Djäkami Wäŋawunydja maŋutji ga mäkiri’ dhiyaku wäŋawu ga ŋunhi ŋilimurru ŋuli djäma ŋilimurrunydja ŋuli marŋgithirri dhiyaku wäŋawu. Marŋgi wekama ŋilimurru yurru wäŋa waṯaŋunha ga djuŋgayanha nhä ŋilimurru ŋuli djäma guŋga’yun wäŋawu dhiyaku djäkawu.

Dhimurru ga Yirralkayu yuṯa maḻŋ’marama dhukarr wapmaranhawu dhäwu’wu. Ŋilimurru  ŋuli marrtji märraŋu Yolŋu led data recording mala. Nhäma nhä malany djama bulal’yu organisations-ku, guŋga’yun ŋunhiyi djäma balanyara bitjan nhaltjan ŋilimurru yukurra djäma dhiyala NE Arnhem Land. Dhäwu’ malanha nhä ŋilimurru yukurra märrama yurru guŋga’yun djäma djorra’lili mali dhuwala wäŋa malanha. Ga wapmarama dhäwu’ nhä yukurra djäma ŋorra djämawu. Wiripunydja ŋilimurru yukurra nhäma framework ŋunhi yukurra nhäma Yolŋuwu ṉurrku’, rom ŋarraku’yunmirriyirri yuru, ga withiyan yurru wäŋa ŋaraka. Dhiyaŋunydja yurru  ŋilimurrunha guŋga’yun malŋ’marama nhältjan ŋilimurru yurru guyaŋirri ŋilimurruŋgiyangalaŋuwu djamarrkuḻi’wu, yalalamirriwu, dhuwalanydja  ŋilimurrungalaŋuwu ŋaḻapaḻmirriwu gatjpu’.