Ga ŋunhi ŋayi yukurra wäŋa djambi dhuwala mining-dhu ga wiripuyu nhäthu malaŋuyu, ŋilimurrunydja djäl ŋilimurru yurru manapan wiripu djäma ŋunhi ŋayi yukurra ŋurruŋu rom dhärra malanha nhaltjarra ŋilimurruŋgala ŋaḻapḻmirriyu rom nhäŋala.

Djäma ŋilimurru yurru ŋilimurruŋgalaŋuwu gurruṯumirriwu walalaŋgu ga yalalaŋumirriwu djamarrkuḻi’wu. Waŋganydja yukurra dhukarr nhäma bitjan tourism djäma. Bili dhuwala dharaŋanara doy’ malanha ŋunhi wäŋa waṯaŋumirriwu ga gurruṯumirriwu walalaŋgu  ga gurrupaṉ yukurra gatjpu’  Yolŋuwu märr yurru wäwundhirri ŋuriki djämawu ga gurrupaṉ yuṯanha Yolŋunha ŋurikimirri gakal’mirri yalalmirriwu.

Buŋganmirriyama ŋäthilinydja ŋuli ŋapaki’nha ga wiripunha Yolŋunha ŋunhi ŋuli marrtji balayi wäŋalili märr walalanha yurru yäka ŋamuma wäŋayu. Ga marrkapthun ŋilimurru ŋuli ŋunhi ŋilimurru ŋuli milkuma dhuwala rom malanha mulkuruwu yolŋuwu. Ga biyaku bili ŋilimurru ŋuli milkuŋu dhuwala rom märr yurru mulka’ dhiyaŋu romdhu nhina. Dhimurru ga Yirralkayu bulal’ djäma manymakkuma dhiyaku supporting-gu ga djäkawu ŋilimurruŋgu wäŋawu.