Ŋanapurruŋgu rom ga gurruṯu dhä-manapan ŋanapurrunha yukurra dhipala wäŋalili ga nhä dhika nhä malanha ŋorra yukurra dhiyalami wäŋaŋura. Dhuwala dhawu’ malanha ŋanapurruŋgu wekaŋala ŋaḻapaḻmirriyu ŋanapurruŋgala. Dhuwala malanha rom ŋorra yukurra ŋanapurruŋgala manikayŋura ga buŋgulŋura ŋanapurru ŋuli bäki gurruṯukurru. Yolŋu ŋunhi ŋayi yukurra mulka nhä malanha rom manikayŋura, ŋayi ŋuli ŋunhi rom dhawaṯthunmarama buŋgulguyu nhä ŋayi buŋgul ga gakal’ balayi wäŋalili. Ŋuriŋiyu manikayyu ŋanapurrunha ŋuli marŋgi wekama ŋuriki wäŋawu ga nhä malanha wetj yukurra ŋorra ŋunha wäŋaŋura. Ga mulka ŋunha rom ga gurruṯu ḏälkuma bili ŋunhi ŋanapurruŋgu maḏayin’. Rom malanha ŋanapurruŋgu yukurra ŋorra dhiyalami wäŋaŋura ga ŋäma ŋanapurru ŋuli manikay ŋayi ŋuli ŋanapurrunha marŋgi wekama nhaltjan ŋanapurru yurru djäka dhiyaku wäŋawu. Dhiyaŋu romdhu ga gakal’yu ŋurru-yirr’yun yukurra Djäkami Wäŋawu. Ŋunhi yolŋuyu yukurra mulka gakal’ ga nhaltjan ŋayi yurru djäka wäŋawu. Ḻuku-nherraṉmirri ŋanapu ŋuli dhiyaku romgu. Ga ḏälyu romdhu ga märryu yuwalkthu ŋayaŋuyu djäka manymakuma dhiyaku wäŋawu.
SKIP TO
Quote
Djäkami wäŋawu – Indigenous Protected Area’wu
